Bera ibni Azin radyýallahu anhuma şeýle diýdi:
-Resulullah sallallahu aleýhi we sellem maňa:
“Ýatjak wagtyň namaz täredi ýaly täret al, soňam sag tarapyňa ýat we şu dogany oka. Goý, bu doga iň soňky sözleriň bolsun!” buýrdy.
Äşe radyýallahu anha şeýle diýdi:
Resulullah sallallahu aleýhi we sellem gijelerine on bir rekagat namaz okaýardy. Daň ýeri agarandadam gysgaça iki rekagat namaz okap, müezzin (azan aýdýançy) gelip azan aýdýança sag gapdalyna ýaplanyp ýatýardy.
Huzeýfe radyýallahu anh şeýle diýdi:
Resulullah sallallahu aleýhi we sellem gije ýatjak wagty elini ýaňagynyň aşagyna goýup şul dogany okaýardy:
“Allahümme bismike emutü we ahýa: (Allahym! Seniň adyň bilen ölerin, senin adyň bilen direlerin.)”
Oýanan wagtam şul dogany aýdýardy:
“Elhamdülillahilleziý ahýana min bagdy mä emätenä we ilýhin-nüşur: (Bizi öldürenden soň direlden Alla hamd bolsun. Direltmek diňe Oňa mahsusdyr. )”
Ýaiş ibni Tyhfa el Gifary radyýallahu anhuma, kakam maňa aýdypdy, diýip rowaýat dýär:
Bir gezeginde men metjitde ýüzin ýatydym. Biri meni aýagy bilen dürtüp şeýle diýdi:
-”Bu ýatyş, Allanyň gaharyna sebäp bolýan ýatyş şeklidir.”
Seretsem, ol adam Resulullah sallallahu aleýhi we sellem eken.
Ebu Hureýre adyýallahu anhyň adyndan rowaýat edilmegine görä, Resulullah sallallahu aleýhi we sellem şeýle diýipdir:
-”Kimdir biri bir mejlisde, märekede oturup Allatagallanyň adyny ýatlamasa, Alla garşy bir kemçilik eder, günä işlär. Kimdir biri ýatanda Allatagallany ýatlamasa, zikir etmese ýene kemçilik eder, günä işlär.”
Ibni Omar radyýallahu anhyň adyndan rowaýat edilmegine görä, Resulullah sallallahu aleýhi we sellem şeýle diýipdir:
-”Hiç kim oturan birini turuzup onuň ýerine oturmasyn. Emma, araňyzy açyp halkany giňeldip bilersiňiz.”
Amr ibni Şugaýb, kakasynyň üsti bilen atasy Abdullah ibni Amr ibni As radyýallahu anhdan rowaýat etmegine görä, Resulullah sallallahu aleýhi we sellem şeýle diýipdir:
-“Rugsatlary bolmazdan iki adamyň arasynda oturmak halal däldir”.
Ebu Hureýre radyýallahu anhyň adyndan rowaýat edilmegine görä, Nebi sallallahu aleýhi we sellem şeýle diýipdir:
“Bir jemagatyň oturan märekesinde Alla ýatlanmasa, agzalmasa we Pygambere salawat aýdylmasa, bu mejlis olar üçin pyşmanlyk bolar. Alla islese olara azap eder, islese bagyşlar.”
Ebu Hureýre radyýallahu anhyň adyndan rowaýat edilmegine görä, Nebi sallallahu aleýhi we sellem şeýle diýipdir:
“Zaman ýakynlaşanda möminiň düýşi ýalan bolmaz. Möminiň düýşi pygamberligiň kyrk alty böleginden bir bölekdir.”
Ebu Hureýre radyýallahu anhyň adyndan rowaýat edilmegine görä, Resulullah sallallahu aleýhi we sellem şeýle diýipdir:
“Men düýşünde gören, oýa wagty hem görer (ýa-da meni oýa wagty gören ýalydyr). Sebäbi, şeýtan maňa meňzeýän daşky görnüşe, şekle girip bilmez.”