Enes radyýallahu anh şeýle diýdi:
Resul-y Ekrem sallallahu aleýhi we sellem köplenç doga-dileg edende şeýle ederdi:
“Allâhumme âtinâ fi’d–dünýâ hasene we fi’l–âhyreti hasene we kynâ azâbe’n–nâr: Eý Allam! Bize şu dünýäde gowulyk, ýagşylyk ber, ahyretde hem gowulyk ýagşylyk ber. We bizi dowzahyň odundan, ataşyndan gorap, aman sakla.
İbni Mes’ûd radyýallahu anhdan alnyp rowaýat edilşine görä Resûl–y Ekrem sallallahu aleýhi we sellem şeýle doga-dileg edýän ekeni:
“Allâhumme innî es’eluke’l–hudâ we’t–tukâ we’l–afâfe we’l–gynâ:
Ey Allam! Senden hidaýet (dogry yola ugrukdyrmagyňy), takwâ (Senden bolmalysy yaly gorkup günälerden gaça durmagy), iffet (namysly bolmagy we jynsy temalarda ahlakly kimselerden bolmagy) we köňül baýlygyny dileýärin.”
Muslimiň Târyk İbni Eşýem radyýallahu anh’dan rowaýat edişine görä Taryk Pygamber sallallahu aleýhi we sellemi diňläp otyrka bir adam gelip şeýle sowal edipdir:
- Eý Allahyň Resuly! Rebbimden haýsydyr bir zat dilejek wagtym nadip diläýin?
Resul-y Ekrem (Keremlileriň iň keremlisi) şeýle jogap berdi:
– “Allâhummağfyr lî werhamnî ve âfynî werzuknî: Ey Allam, meni bagyşla, maňa rehim et, maňa seniň razy boljagyň işleri etdir we maňa haýyrly yrsgal ber, diýip sora. Bu sözler seniň hem dünýäňe hem ahyrediňe zerur bolan zatlaryň mazmunydyr”
Hezreti Aly radyýallahu anh şeýle diýdi:
Resûlalla sallallahu aleýhi we sellem maňa:
-“Allâhummehdinî we seddidnî: Allahym! Meni dogry ýola gönükdir we şol ýolda meni üstünlige ýetir!” diýmegimi aýtdy.
Enes radyallahu anh’dan alynyp rowaýat edilişine görä Resûl–y Ekrem sallallahu aleýhi we sellem şeýle doga-dileg edipdir: “Allâhumme innî eûzu bike mine’l–ajzi we’l–keseli we’l–jübni we’l–heremi we’l–buhl, we eûzu bike min azâbi’l–kabr, we eûzu bike min fitneti’l–mahýâ we’l–memât: Allahym! Ejizlikden,ýaltalykdan, gorkaklykdan, garrap kömege mätäç yagdaýa düşmekden we gysgançlykdan saňa sygynýaryn. Görüň azabyndan saňa sygynýaryn. Ýaşaýşyň we ölümiň pitnesinden saňa sygynýaryn.”
Ebû Bekir es–Syddyýk radyýallahu anh Resûlalla sallallahu aleyhi we selleme:
–Maňa namazymda okarym ýaly bir doga öwredäýiň diýdi. Ol hem şeýle buýrdy:
– “Allâhümme innî zalemtu nefsî zulmen kesîran ve lâ yagfiru’z–zünûbe illâ ente, fagfir–lî magfireten min indik, we’rhamnî inneke ente’l–gafûru’r–rahyým: Eý Allam! Men özüme gaty köp zalymlyk etdim. Senden başga günäleri bagyşlaýanam yok. Öz gatyňdan tükeniksiz bir bagyşlanma bilen meni bagyşla. Maňa rehim et. Çunki gafur (tükenmez bagyşlamasy ) we rahym (gullaryna rehmi bol) bolan diňe sensiň, diy.”
Äşe radyallahu anhadan alnyp rowaýat edilşine görä Resûl–y Ekrem sallallahu aleýhi we sellem doga-dilegini şu sözler bilen edýär eken: “Allâhümme innî eûzu bike min fitneti’n–nâri ve azâbi’n–nâr we min şerri’l–gynâ we’l–fakr: Allahym! Jähennem pitnesinden, dowzah azâbından, baýlygyň we garyplygyň şerinden saňa sygynýan.”
Şekel İbni Humeýd radyýallahu anh şeýle diýdi:
– Yâ Resûlalla! Maňa bir doga öwredäý! Diýdim. Şeý diýemsoň ol maňa:
– “Allâhumme innî eûzu bike min şerri sem‘î we min şerri basarî we min şerri lisânî we min şerri kalbî we min şerri meniýýî: Allahym! Gulagymyň şerinden, gözümiň şerinden, dilimiň şerinden, kalbymyň şerinden we jynsy organymyň şerinden saňa sygynýan, diy” buýrdy.
Ebû Hureýre radyýallahu anh Resûlalla sallallahu aleýhi we sellemiň şeyle doga edendigini aýtdy:
“Allâhumme innî eûzu bike mine’l–jûi feinnehû bi’se’d–dajî‘, we eûzu bike mine’l–hyýâneti feinnehâ bi’seti’l–bitâne:
Allam! Açlyktan saňa sygynýaryn; ol adamy gysymynyň içine alan şeýle erbet bir haldyr,ýagdaýdyr. Amanada (başgasyna degişli bolup yzyna tabşyrylmasy hökmany bolan gymmatlyklar) hyýanat etmekdenem saňa sygynýaryn; ol şeýle bir erbet hüý-häsiýetdir, tebigatdyr.”
Hezreti Aly radyýallahu anhdan alnyp rowaýat edilşine görä ylalaşyk baglanşylan bir gul onuň ýanyna gelip:
– Bergimi töläp biljek ýagdaýym ýok, maňa kömek edäý, diýdi. Ol hem:
– Resûlalla sallallahu aleýhi we sellemiň maňa öwreden bir dogasyny men hem saňa öwredeýinmi ? Şony okamaga dowam eden ýagdaýyňda üsdüňde dag ýaly bergi hem bolsa Alla Tagalla ony saňa tölemäge kömek eder. Şeýle doga-dileg et diýdi:
“Allâhummekfinî bi–halâlike an harâmik, ve agninî bi–fazlike ammen siwâk: Allahym! Maňa halal yrsgal nesip edip haramlardanam gora! Fazlyň bilenem meni senden başgasyna mätäç eyleme!”
Şehr İbni Hawşeb şeýle diýdi:
Ümmü Seleme radyýallahu anhâ:
– Ey möminleriň enesi! Resûlalla sallallahu aleýhi we sellem seniň ýanyňda bolan wagtlarynda iň köp haýsy dogany okardy? Diýip soradym. Ol hem şeýle dýdi:
– Köplenç “Yâ mukallibe’l–kulûb! Sebbit kalbî alâ dînik: Ey kalplary (ýürekleri) haldan hala salan Alla! Meniň kalbymam diniňden aýyrma!” diyip doga edýärdi.
İbn Mes‘ûd radýyallahu anh şeýle diýdi:
Resûlalla sallallahu aleyhi we sellemiň dogalaryndan biri şeýledi:
“Allâhumme innî es’eluke mûjibâti rahmetike we azâime magfiretike we’s–selâmete min külli ismin we’l–ganîmete min külli birrin we’l–fewze bi’l–jenneti we’n–nejâte mine’n–nâr: Allam! Seniň rahmetiňe
ýetirjek, bağyşlamagyňy üpjin etjek işleri etmegi, her tüýsli günäden gaça durmagy,ähli ýagşylyklary ýerine ýetirmegi, jennete gowşup jähennemden halas bolmagy nesip etmegiňi nyýaz edyarin (dileýärin).”
Ebu’d–Derdâ radyýallahu anh Resûlalla sallallahu aleýhi we sellemi şu zatlary aýdyp durka diňländigini aýtdy: “Bir musulman, ýanynda bolmadyk bir din dogany üçin doga-dileg etse, melekler oňa “Dilän zatlaryň saňa hem berilsin” diýip doga ederler.”
Usâme İbni Zeýd radyýallahu anhdan alnyp rowaýat edilşine görä Resûlalla sallallahu aleyhi we sellem şeyle buýrdy: “Özüne ýagşylyk edilen biri ýagşylyk edene, jezâkellâhu haýran: Allah seni haýyr bilen serpaýlandyrsyn, diýse, oňa iň gowy görnüşde sag bolsun aýtdygy bolar.”
Jâbir radyýallahu anhdan alnyp rowaýat edilşine görä Resûlalla sallallahu aleyhi we sellem şeyle buýrdy: “Özüňize betdoga (erbet doga-dileg) etmäň; çagalaryňyza betdoga etmäň; mallaryňyzada betdoga etmäň. Dileg-dogalaryň kabul edilýän wagtyna gabat geläýse Alla betdogaňyzy kabul edip goýberer.”
Ebû Hureýre radyýallahu anh’dan alnyp rowaýat edilşine görä Resûlalla sallallahu aleyhi we sellem şeyle diýdi: “ Guluň Rebbine iň ýakyn bolýan haly sejde halydyr.Ine şol sebäpdenem sejdede köp doga-dileg etjek boluň!”
Müslimiň ýenede bir rowaýaty şeýledir:
– “Bir gul günä bolan, ýa-da garyndaşy bilen öýke-kine etmesine sebäp boljak zatlardan birini dilemese, ýada howlukmasa doga-dilegleri kabul bolar.”
– Eý Allahyň Resuly! Howlukmak name diýmek? Diyip soralanda şeýle diýdi:
– “Näçe gezekler doga-dileg etsemem Rebbimiň dogalarymy kabul edenini görmedim diýer. Doga-dilegleriniň derrew kabul edilmänligi sebäpli bizar bolup doga-dileg etmäni bes eder.”
Ebû Umâme radyýallahu anh şeýle diýdi:
Resûlalla sallallahu aleýhi we selleme:
– Haýsy doga has köp kabul edilýär, - diýip soradylar.
– “Gijäniň soňky sagatlarynda we parz namazlaryň yz ýanyndan edilen doga-dilegler” diýdi.